½ñÈÕºÚÁÏ

Darpariaeth Cyfrwng Cymraeg

Ym Mhrifysgol Bangor, rydym yn cynnig profiad unigryw i fyfyrwyr allu astudio trwy gyfrwng y Gymraeg mewn sefydliad gwirioneddol ddwyieithog ac mewn ardal lle mae’r Gymraeg yn cael ei siarad gan y rhan fwyaf o’r boblogaeth. Rydym yn darparu mwy o fodiwlau a chyrsiau trwy gyfrwng y Gymraeg nag unrhyw brifysgol arall, ac mae gennym y nifer uchaf o fyfyrwyr yn astudio trwy gyfrwng y Gymraeg.

Mae modiwlau dwyieithog neu gyfrwng Cymraeg ar gael ym mhob ysgol, a chyhoeddir llyfryn yn flynyddol i fyfyrwyr y flwyddyn gyntaf sy’n rhestru’r holl fodiwlau sydd ar gael. Mae adnodd dod o hyd i gyrsiau’r yn rhoi syniad i fyfyrwyr i ba raddau y gallant astudio’r cwrs a ddewisant yn Gymraeg.

Mae gallu astudio yn eu hiaith gyntaf yn rhoi profiad cyfoethog i fyfyrwyr Cymraeg eu hiaith trwy eu galluogi i ddeall arlliwiau mynegiant, ac o ganlyniad, yn creu cysylltiad agosach â’r pwnc dan sylw. Mae grwpiau darlithoedd a seminarau cyfrwng Cymraeg yn tueddu i fod yn llai o ran maint. Gall hyn wneud i fyfyrwyr deimlo'n fwy cyfforddus, rhoi'r hyder iddynt ofyn cwestiynau, a rhoi rhywfaint o gefnogaeth ychwanegol iddynt. I staff addysgu, ac i'r rhai sy'n cefnogi dysgu, gall cyfathrebu trwy'r Gymraeg roi cyfleoedd i wella.

Mwy o Gefnogaeth i Staff a Myfyrwyr 

Mae Canolfan Bedwyr yn darparu cefnogaeth arbenigol i fyfyrwyr a staff cyfrwng Cymraeg sydd am wella eu sgiliau iaith uwch mewn meysydd penodol megis ysgrifennu academaidd a chyflwyno. Mae nifer o fodiwlau dewisol israddedig ac ôl-radd ar gael yn y maes hwn (wedi'u credydu a heb eu hachredu), yn ogystal â grwpiau cefnogi anffurfiol. Yn ogystal â hyn, mae myfyrwyr a staff sy'n dymuno sefyll Tystysgrif Sgiliau Iaith y Coleg Cymraeg Cenedlaethol yn cael cefnogaeth strwythuredig a sesiynau paratoi. Am fwy o wybodaeth, cysylltwch â Dr Phil Davies.

Dysgu Cymraeg

Gall yr holl fyfyrwyr a staff elwa o ddosbarthiadau Cymraeg am ddim tra byddant yn y Brifysgol drwy Canolfan Bedwyr. P’un a ydych am ddysgu’r pethau sylfaenol, neu gael Cymraeg sgyrsiol ond eisiau uwchsgilio fel y gallwch addysgu’n ddwyieithog yn hyderus, mae dosbarth staff neu sesiwn sgwrsio ar eich cyfer. Ar hyn o bryd, mae tua 120 aelod o staff yn cymryd rhan mewn dosbarthiadau Cymraeg ym Mhrifysgol Bangor. Mae datblygu eich sgiliau Cymraeg yn ffordd wych o ddangos eich datblygiad proffesiynol parhaus, adeiladu rhwydweithiau ar draws y Brifysgol a’ch gwneud yn fwy cyflogadwy.

Ysgrifennu Academaidd yn Gymraeg

Mae'r yn darparu arweiniad dwyieithog am sut i ysgrifennu adroddiadau academaidd, disgrifio methodolegau, cyflwyno canlyniadau a thrafod eich gwaith. Mae’r ddogfen hon yn darparu’r blociau adeiladu iaith i gyflwyno eich gwaith ym Mhrifysgol Bangor.

Addysgeg Ddwyieithog

Ymarfer pedagogaidd yw trawsieithu sy'n ymwneud â dwy iaith yn cael eu defnyddio bob yn ail ar gyfer mewnbwn ac allbwn yn ystod yr un gweithgaredd. Mae'r dysgwr yn derbyn gwybodaeth mewn un iaith ac yn gweithio gyda'r wybodaeth honno mewn iaith arall - er enghraifft, trafod gweithiau Shakespeare trwy gyfrwng y Gymraeg. Mae Trawsieithu yn y Dosbarth yn edrych ar sut mae'r broses hon yn digwydd yn organig mewn lleoliadau dwyieithog, sut y gall addysgwyr wella eu hymarfer addysgu trwy drawsieithu, a sut y gall y broses hybu hyder a pherfformiad myfyrwyr.

Tra bod Trawsieithu yn y Dosbarth yn canolbwyntio ar yr ymarfer o drawsieithu gan ddefnyddio’r Gymraeg a’r Saesneg, gyda chorff cynyddol o fyfyrwyr rhyngwladol, mae’r arfer hwn yn dod yn fwyfwy cyffredin ar draws Prifysgol Bangor mewn ieithoedd eraill hefyd.