���պ���

Dechreuodd yn ei swydd yng Nghyfarfod Cyffredinol Blynyddol y Gymdeithas ar 20 Mai.

Cafodd y Fonesig Elan, a dderbyniodd Cymrodoriaeth er Anrhydedd gan Brifysgol Bangor yn 2019, ei geni yng Ngwynedd. Hi yw un o weision cyhoeddus mwyaf nodedig Cymru, gyda phrofiad helaeth yn y cyfryngau, gwleidyddiaeth ac addysg uwch. 

Ymhlith ei rolau niferus, mae hi'n Gomisiynydd Etholiadol Cymru ar hyn o bryd, bu'n Gadeirydd Dros Dro i'r BBC rhwng 2023 – 2024, ac mae hi'n Athro Emerita mewn Cyfathrebu a Diwydiannau Creadigol ym Mhrifysgol Aberystwyth, lle mae hi hefyd yn Ddirprwy-Ganghellor.

Meddai y Fonesig Elan, “Mae gennym Lywodraeth newydd sy’n addo dechrau newydd. Hoffwn i’r Llywodraeth honno, ac yn wir busnes a diwydiant a chyrff cyhoeddus, fod yn ymwybodol o’r cyfoeth sydd ar gael iddynt ac i ddefnyddio ein Cymrodoriaeth fel adnodd i wella bywyd Cymru.

“Un diben sydd i’n holl weithgarwch. Gwneud Cymru, yn ei bywyd gwyddonol, cymdeithasol a diwylliannol, yn fwy cynaliadwy, yn fwy grymus, ac yn fwy uchelgeisiol. A thrwy wneud hynny, rydym hefyd yn dathlu cryfder deallusol ein cenedl.”

Meddai Olivia Harrison, Prif Weithredwr Cymdeithas Ddysgedig Cymru, “Rydym yn gyffrous ein bod yn mynd i fod yn gweithio mor agos gyda’r Fonesig Elan yn y dyfodol.

“Mae’r chwe blynedd ddiwethaf, gyda Hywel Thomas wrth y llyw, wedi gweld twf mawr yn y Gymdeithas, gyda llawer o arloesedd a chynnydd.

“Mae’r cyfle i adeiladu ar hynny, gyda’r safbwyntiau unigryw, y sgiliau a’r cysylltiadau y mae’r Fonesig Elan yn eu cyflwyno, yn golygu ein bod yn hyderus y bydd y Gymdeithas yn parhau i chwarae rhan weithgar ym mywyd dinesig ac academaidd Cymru.”

Fel Academi Genedlaethol Cymru, mae'r Gymdeithas yn cynnwys 700 o Gymrodyr, academyddion, ymchwilwyr ac arweinwyr o fywyd dinesig a diwylliannol Cymru. Mae'n hyrwyddo ac yn datblygu cymuned ymchwil Cymru, ac yn cyfrannu at y trafodaethau am y polisïau sy'n effeithio ar Gymru.

Mewn ymateb i’r cyhoeddiad, dywedodd yr Athro Hywel Thomas FLSW, sydd wedi bod y Llywydd ers 2020, “Rwyf wedi mwynhau fy amser fel Llywydd Cymdeithas Ddysgiedig, ac rwy’n gwybod y profiad gwych sydd yn wynebu’r Fonesig Elan.

“Mae Cymru, y byd a’r amgylchedd ymchwil ac arloesi i gyd yn wynebu heriau. Felly, ni allai’r Gymdeithas obeithio am rywun gyda mwy o brofiad a doethineb i helpu i’w llywio drwy’r blynyddoedd sydd i ddod. Rwy’n dymuno’r gorau iddi.”